چشمِ حقیقت آشنا دیکھے جو حُسن کی کتاب
دفترِ صد حدیثِ راز ہر ورقِ مجاز ہو
سامنے روئے یار ہو سجدہ میں ہو سرِ نیاز
یونہی حریم ناز میں آٹھوں پہر نماز ہو
اس کے حریم ناز میں عقل و خرد کو دخل کیا
جس کی گلی کی خاک کا ذرّہ جہانِ راز ہو
تیری گلی میں پا کے جا ، جائے کہاں تیرا گدا
کیوں نہ وہ بے نیاز ہو تجھ سے جسے نیاز ہو
بیؔدم خستہ ہجر میں بن گئی جانِ زار پر
جس نے دیا ہے دردِ دل کاش وہ چارہ ساز ہو
بیؔدم شاہ وارثی
ؒ
کوئی تبصرے نہیں:
ایک تبصرہ شائع کریں